Գլխավոր Նորություններ Կարեն Կարապետյանը ընկե՞լ էր Ծառուկյանի հետևից. Ծառուկյանը հիշել է նախկին վարչապետի...

Կարեն Կարապետյանը ընկե՞լ էր Ծառուկյանի հետևից. Ծառուկյանը հիշել է նախկին վարչապետի տարիները

180

«Բարգավաճ Հայաստան» կուսակցության նախագահ, ԱԺ պատգամավոր Գագիկ Ծառուկյանն այսօր լրագրողների հետ ճեպազրույցում լրագրողների հարցերին ի պատասխան՝ ստիպված էր հիշել նախկին վարչապետ Կարեն Կարապետյանի ժամանակները։ «Կարեն Կարապետյանը ընկե՞լ էր Ծառուկյանի հետևից, օբյեկտները հիսուն հոգով մտնո՞ւմ էին, մեքենաները կանգնացնում էին, կշեռքով կշռում։ Մի քիչ ձեր աչքերը բացեք, միակողմանի չըլնեք։ Էսօր Ծառուկյանին ոչ մի բան չեն անի, քամին քարից ոչ մի բան չի կարա տանի։ Ծառուկյանը կայացած, սեփականատեր ա ոչ թե մի հատի, այլ մի 47 հատի», – հավելեց ԲՀԿ նախագահը։ Նա նկատեց, որ իրեն նախանձողներ շատ կան, որոնք «գիշերները չեն կարա քնեն, այդպես էլ մնալու են նախանձ, չկայացած»։ Նշենք, որ վերջերս Պետական եկամուտների կոմիտեն լայնածավալ ստուգումներ էր իրականացնում Գագիկ Ծառուկյանին պատկանող օբյեկտերում՝ գազալցակայններում, Առինջ մոլում և այլն։