Գլխավոր Մամուլ Պուտինը ցանկացել է ՔԿՀ-ում այցելել Ռոբերտ Քոչարյանի՞ն. «Փաստ»

Պուտինը ցանկացել է ՔԿՀ-ում այցելել Ռոբերտ Քոչարյանի՞ն. «Փաստ»

224

«Փաստ» թերթը գրում է. «Ինչպես հայտնի է, բարձրաստիճան պաշտոնատար անձանց այցելություններից առաջ նրանց անվտանգության, արարողակարգի եւ այլ ծառայություններ երկար ժամանակ աշխատում են այցելության երկրի համապատասխան կառույցների հետ՝ այցը պատշաճ կազմակերպելու համար:

«Փաստ» թերթի տեղեկություններով, Վլադիմիր Պուտինի՝ Երեւանում նախատեսված ԵՏՄ գագաթաժողովի շրջանակներում կատարելիք հայաստանյան այցի կապակցությամբ, ՌԴ նախագահի նշյալ ծառայությունները, ի թիվս այլ խնդիրների, բարձրացրել են անվտանգության լիարժեք պայմանների ապահովումը՝ ՔԿՀ այցելելու համար: Հայաստանի իշխանություններից, սակայն, մեր աղբյուրների պնդմամբ, նրանք մերժում են ստացել:

Ի պատասխան մերժման՝ ՌԴ նախագահի աշխատակազմից մինչեւ սեպտեմբերի 10-ը ժամանակ է տրվել այդ հարցը կարգավորելու համար՝ սպառնալով հակառակ դեպքում գագաթաժողովը տեղափոխել Մոսկվա:

Թեպետ մեր աղբյուրները չեն պարզաբանում ՔԿՀ այցելելու պատճառները, սակայն պետք է ենթադրել, որ խոսքը Ռոբերտ Քոչարյանին այցելելու Վլադիմիր Պուտինի ցանկության մասին է»:

Ամբողջությամբ կարող եք կարդալ թերթիայսօրվա համարում: