Գլխավոր Նորություններ Բաքվում հայտնել են չարտոնված հանրահավաքի մասնակիցների ձերբակալության մասին

Բաքվում հայտնել են չարտոնված հանրահավաքի մասնակիցների ձերբակալության մասին

10

Ադրբեջանի իշխանությունները հայտնել են Բաքվի կենտրոնում չարտոնված հանրահավաքի մասնակիցներին բերման ենթարկելու մասին, սակայն նրանց թվաքանակի մասին ոչինչ չի նշվում:

Ինչպես փոխանցում է РИА Новости-ն՝ հղում անելով Բաքվի ոստիկանության ներկայացուցչին, կան ձերբակալվածներ, որոնց դեմ միջոցներ կձեռնարկվեն: Գործակալության աղբյուրի խոսքով՝ նրանք փորձել են խախտել հասարակական կարգը՝ սադրանքներ հրահրելու նպատակով:

Ավելի վաղ ադրբեջանական մայրաքաղաքի իշխանությունները «Ժողովրդավարական ուժերի ազգային խորհուրդ» ընդդիմադիր միավորմանը թույլատրել էին հանրահավաք անցկացնել, բայց ոչ թե Բաքվի կենտրոնում, այլ ուսումնամարզական ակումբի մարզադաշտում:

Ավելի վաղ որոշում էր կայացվել նաև ժամանակավորապես փակել մետրոյի երեք կենտրոնական կայարանները, որոնց աշխատանքն արդեն վերականգնվել է:

Հիշեցնենք, որ չնայած Բաքվի իշխանությունները մերժել էին հանրահավաք անցկացնելու դիմումը՝ այնուամենայնիվ, ակցիայի կազմակերպիչները սոցիալական ցանցերում տեղեկատվություն էին տարածել, որ հոկտեմբերի 19-ին ակցիան տեղի կունենա: