Գլխավոր Նորություններ Ծանր այրվածքներով ԱԻՆ փրկարարը ուղղաթիռով տեղափոխվում է Երևան. նախարարը մանրամասներ է հայտնել

Ծանր այրվածքներով ԱԻՆ փրկարարը ուղղաթիռով տեղափոխվում է Երևան. նախարարը մանրամասներ է հայտնել

7

ՀՀ առողջապահության նախարար Արսեն Թորոսյանը սոցցանցի իր էջում գրում է.

Ծանր այրվածքներով ԱԻՆ փրկարարը հենց հիմա ուղղաթիռով տեղափոխվում է Երևան։ Այրվածքաբանության ազգային կենտրոնի բժիշկները պատրաստ սպասում են նրան, որպեսզի առավելագույնս օպերատիվ բուժօգնություն ցուցաբերեն։ Աշխատանքները իմ հանձնարարությամբ համակարգում է իմ տեղակալ Լևոն Հակոբյանը։

Առողջություն եմ մաղթում տուժած փրկարարին, ինչպես նաև ցավակցում եմ զոհված փրկարարի հարազատներին և համածառայակիցներին։

Ավելի վաղ հայտնել էինք, որ Լոռու մարզի Վանաձոր քաղաքի հարակից սարերում բռնկված հրդեհի շիջման ժամանակ ողբերգական դեպք է տեղի ունեցել: Հրդեհաշիջման աշխատանքների ժամանակ, դեռեւս չպարզված հանգամանքներում, հրշեջներից մեկը այրվածքներ է ստացել ու մահացել, այրվածքներ ստացած մյուս հրշեջը տեղափոխվել է Վանաձորի բժշկական կենտրոն: