Գլխավոր Նորություններ Զելենսկին պատասխանել է Պուտինին. Մենք հիանալի գիտենք, թե իրականում ինչ է նշանակում...

Զելենսկին պատասխանել է Պուտինին. Մենք հիանալի գիտենք, թե իրականում ինչ է նշանակում ռուսական անձնագիր

395

Ուկրաինայի նորընտիր նախագահ Վլադիմիր Զելենսկին պատասխանել է Ռուսաստանի նախագահ Վլադիմիր Պուտինին, որն ավելի վաղ հայտարարել էր, որ քննարկում էին բոլոր ուկրաինացիներին պարզեցված կարգով ՌԴ քացաքացիություն շնորհելու հնարավորությունը:

Զելենսկին պատասխանել է. «Մենք հիանալի գիտենք, թե իրականում ինչ է նշանակում ռուսական անձնագիր: Դա խաղաղ ցույցի համար ձերբակալվելու իրավունքն է: Դա ազատ ու մրցակցային ընտրություններ չունենալու իրավունքն է:

Դա բնական իրավունքներն ու մարդու ազատությունները մոռանալու իրավունքն է: Այդ պատճառով պետք չէ հույս ունենալ, որ շատ ուկրաինացիներ կցանկանան դառնա «նոր նավթ», որին Ռուսաստանի իշխանությունները փորձում են վերածել սեփական ժողովրդին:

Ուկրաինացիներն ազատ մարդիկ են ազատ երկրում: Անկախ, ինքնիշխան ու անբաժան: Ուկրաինայի քաղաքացիությունն ազատություն է, արժանապատվություն ու պատիվ: Դա այն է, ինչ պաշտպանել ենք ու շարունակելու ենք պաշտպանել»:

Նա նշել է, որ Ուկրաինայի և ուկրաինացիների հետ չպետք է խոսել սպառնալիքի, ռազմական ու տնտեսական ճնշման լեզվով: