Գլխավոր Նորություններ Հայաստանում սուպերվարչապետական համակարգ այսօր գոյություն չունի․ ՀՀ վարչապետ

Հայաստանում սուպերվարչապետական համակարգ այսօր գոյություն չունի․ ՀՀ վարչապետ

15

Հայաստանում սուպերվարչապետական համակարգ այսօր գոյություն չունի, որովհետև այնտեղ, որտեղ ժողովուրդն իշխանություն է, որտեղ համակարգային կոռուպցիան ջախջախված է, և ամեն օր կոռուպցիայի դեմ պայքար է տարվում, չի կարող լինել սուպերվարչապետական համակարգ։ Այս մասին Հանրային հեռուստաընկերությամբ Պետրոս Ղազարյանի հետ հարցազրույցի ընթացքում ասաց ՀՀ վարչապետ Նիկոլ Փաշինյանը։ 

«Դուք պատկերացնո՞ւմ եք, որ նախկինում ՍԴ-ում փոփոխություն անելու համար կառավարությունը և խորհրդարանական մեծամասնությունը հանրաքվե աներ, բա դա սուպերվարչապետակա՞ն համակարգ է։ Ի՞նչն է պռոբլեմը, հեռախոսը վերցնում ես՝ ասում ես հարգելի բարեկամներ, դուք ազատված եք աշխատանքից։ Մենք հիմա վստահ ասում ենք, որ ժողովրդավարությունը մեր երկրի համար որևէ՝ արտերկրից ներմուծված երևույթ չէ: Դա մեր ժողովրդի արժեհամակարգի մասն է, և դրա համար մենք ունենք ապացույց: Մի ապացույցը 1988թ. ժողովրդավարական շարժումն է, որն առաջիններից էր ողջ սոցիալիստական ճամբարի հատվածում, երկրորդը 2018թ. հեղափոխությունն է, որն էլի աննախադեպ էր»,- նշեց վարչապետը:


«Ժողովրդավարության, լեգիտիմ իշխանության, կոռուպցիայի դեմ պայքարի պայմաններում սուպերվարչապետական համակարգ չի կարող լինեն, որովհետև զուտ օրինական լիազորություններով հնարավոր չէ այդպիսի համակարգ ունենալ»,- ասաց Փաշինյանը: