Գլխավոր Նորություններ ԱԺ պատգամավորի նկատմամբ բռնություն գործադրած անձը հայտնաբերվել ու ձերբակալվել է. ոստիկանություն (VIDEO)

ԱԺ պատգամավորի նկատմամբ բռնություն գործադրած անձը հայտնաբերվել ու ձերբակալվել է. ոստիկանություն (VIDEO)

115

Մայիսի 11-ին Ազգային ժողովի պատգամավորներից մեկը («Իմ քայլը» խմբակցության պատգամավոր Նիկոլայ Բաղդասարյան) ոստիկանությունում հաղորդում էր տվել, որ, կապված իր աշխատանքային գործունեության հետ, նույն օրը Բաղրամյան պողոտայում անհայտ անձը հեծանիվով փորձել է իրեն վրաերթի ենթարկել, ինչից հետո իր հասցեին հնչեցրել է սպառնալիքներ ու սեռական բնույթի հայհոյանքներ։

Ոստիկանության Արաբկիրի բաժնի քրեական հետախուզության և համայնքային ոստիկանության բաժանմունքների ծառայողները համատեղ միջոցառումներով պարզել են այդ անձի ինքնությունը, որը մայիսի 12-ին Հրազդանի կիրճում հայտնաբերվել ու բերման է ենթարկվել։

Դեպքի առթիվ քրեական գործ է հարուցվել իշխանության ներկայացուցչի նկատմամբ բռնություն գործադրելու հատկանիշներով։ Էջմիածնի բնակիչ, 40-ամյա տղամարդը ձերբակալվել է։ Քրեական գործը ոստիկանությունից ուղարկվել է Քննչական կոմիտե։ Կատարվում է նախաքննություն։