Գլխավոր Նորություններ Հրայր Թովմասյանը գլուխը կախ գալիս է, իր աշխատանքն անում է, գնում է․...

Հրայր Թովմասյանը գլուխը կախ գալիս է, իր աշխատանքն անում է, գնում է․ ՍԴ նախագահ

92

Հրայր Թովմասյանի համար 100-երորդական են նախկին, նոր իշխանության ասածները, դուք պետք է հասկանայիք, որ Հրայր Թովմասյանի համար դրանք նշանակություն չունեն, այսօր լրագրողների հետ ճեպազրույցում հայտարարեց ՍԴ նախագահ Հրայր Թովմասյանը՝ պատասխանելով հարցին՝ տհաճ չէ իր համար աշխատել այնպիսի իշխանության հետ, որը նրան համարում է ոչ լեգիտիմ։

«Հրայր Թովմասյանը բազմիցս ասել է՝ գլուխը կախ գալիս է, իր աշխատանքն անում է, գնում է», -ասաց Թովմասյանը։ Այդուհանդերձ, Ազգային ժողովի կողմից Սահմանադրության փոփոխությունների նախագծին, Թովմասյանն ասաց, թե ծանոթ չէ, և այն պետք է ուղարկվեր ՍԴ եզրակացություն ստանալու համար, բայց չի ուղարկվել։ «Սահմանադրական դատարանը նման փաստաթուղթ չի ստացել», ասաց նա։

Հարցին, թե ի՞նչ է կարծում Սահմանադրական դատարանի շուրջ իրականացվող գործընթացը իրավական է, թե՞ քաղաքական, ՍԴ նախագահը արձագանքեց․

«Չէ, ի՞նչ եք ասում, երեկ ինչ-որ մեկը հայտարարեց, որ այս ամենը երջանիկ ապրելու համար է։ Այպես որ դուք հավատացեք, և վաղվանից երջանիկ եք ապրելու»։