Գլխավոր Նորություններ Պատահականությո՞ւն, թե՞ դիտավորություն. Պայթյունի հետևանքով ծանր վիճակում գտնվող բնակիչը խաղադրույքի հետևանքով զրկվել...

Պատահականությո՞ւն, թե՞ դիտավորություն. Պայթյունի հետևանքով ծանր վիճակում գտնվող բնակիչը խաղադրույքի հետևանքով զրկվել էր տնից

76

«Ժողովուրդ» թերթը գրում է. ««Ժողովուրդ» օրաթերթին նոր մանրամասներ են հայտնի դարձել Երևանի Ռայնիսի փողոցի թիվ 3 հասցեում գազի արտահոսքից տեղի ունեցած պայթյունից: Երեկ հայտնի դարձավ, որ պայթյունի հետևանքով մասնակի փլուզվել է հինգերորդ շքամուտքում գտնվող 12 բնակարան։ Եվ, ահա, փլատակներից դուրս էին բերվել երկու քաղաքացիներ և տեղափոխվել հիվանդանոց, իսկ մեկին էլ արդեն գտել էին մահացած:

Այսպիսով, «Ժողովուրդ» օրաթերթի տեղեկություններով, պայթյունը եղել է 41-ամյա Էդգար Մարգարյանի տանը, որը հիվանդանոց տեղափոխված քաղաքացիներից է և գտնվում է ծայրահեղ ծանր վիճակում: Երեկ դեպքի վայրում հավաքվածները մեզ հետ զրույցում նշել էին, թե տեղեկություններ են լսել, որ երկրորդ հարկի բնակիչը ցանկացել է էսենցիա խմել և վերջ տալ կյանքին: Խոսքը կրկին Էդգար Մարգարյանի մասին է, և ավելին՝ մեր տեղեկություններով՝ նա խաղադրույքների հետևանքով կորցրել է իր բնակարանը և գտնվել հոգեպես ծանր վիճակում: Մենք տեղեկացանք նաև, որ այս գիշեր տանը եղել է միայն Էդգար Մարգարյանը, նրա որդին՝ Էրիկը, գիշերել է ընկերների տանը, իսկ կինն ու դուստրն օրեր առաջ էին հեռացել տանից տիրող մթնոլորտի պատճառով: Եվ այժմ իրավապահները փորձում են հասկանալ, թե որքանով այս իրադարձությունները կարող են կապ ունենալ իրար հետ, և արդյոք պայթյունը պատահականության արդյունք է, թե միտումնավոր է արվել»:

Մանրամասն՝ թերթի այսօրվա համարում: