Գլխավոր Նորություններ Բաղրամյան պողոտայում վրաերթի են ենթարկել երիտասարդ աղջկա, որը մահացել է հիվանդանոցում

Բաղրամյան պողոտայում վրաերթի են ենթարկել երիտասարդ աղջկա, որը մահացել է հիվանդանոցում

122

Այսօր՝ մարտի 1-ին, ժամը 20:20-ի սահմաններում Երեւանի բնակիչ, 31-ամյա Տիգրան Բոշյանը իր վարած Mercedes Տ400 մակնիշի ավտոմեքենայով Բաղրամյան պողոտայում՝ նախկին Կամոյի դպրոցի հարեւանությամբ, վրաերթի է ենթարկել 20-25 տարեկան աղջիկ հետիոտնի: Այս մասին հայտնում է shamshyan.com-ը։

Վարորդը փախուստի չի դիմել, ահազանգել է Երեւանի 1-03 շտապօգնություն եւ օգնել է բժիշկներին՝ վիրավորին տեղափոխել «Արմենիա» բժշկական կենտրոն:

Փաստի առթիվ հարուցվել է քրեական գործ՝ ՀՀ ՔՕ 242 հոդվածի 2-րդ մասի հատկանիշներով: Ոստիկանությունն ու քննչական բաժինը պարզում են մահացածի ինքնությունը: