Գլխավոր Նորություններ Խոշոր ավտովթար Արարատի մարզում. 38-ամյա վարորդը «06»-ով բախվել է 32-ամյա վարորդի «Երազ»-ին...

Խոշոր ավտովթար Արարատի մարզում. 38-ամյա վարորդը «06»-ով բախվել է 32-ամյա վարորդի «Երազ»-ին և կողաշրջվել. կա վիրավոր

82

Այսօր՝ մայիսի 30-ին, խոշոր ավտովթար է տեղի ունեցել Արարատի մարզում։ Ժամը 05։00-ի սահմաններում Տափերական գյուղի բնակիչ՝ 38-ամյա Վահագն Շահբազյանը իր վարած ВАЗ 2106 մակնիշի 34 FՍ 392 համարանիշի ավտոմեքենայով Շահումյան գյուղում՝ Երեմ Կարապետյան փողոցում, բախվել է նույն գյուղի բնակիչ՝ 32-ամյա Արտակ Կարապետյանի վարած «Երազ 762» մակնիշի 22 ՏԼ 459 համարանիշի ավտոմեքենային։ Ինչպես հայտնում է ֆոտոլրագրող Գագիկ Շամշյանը, բախման հետևանքով «06»-ը դուրս է եկել երթևեկելի գոտուց, կողաշրջված վիճակում հայտնվել հետիոտնի համար նախատեսված մայթին՝ վնասելով քաղաքացու տան ցանկապատը։ Վթարի հետևանքով Վ. Շահբազյանը մարմնական վնասվածքներով տեղափոխվել է Արտաշատի բժշկական կենտրոն։ Դեպքի վայր են ժամանել արտակարգ իրավիճակների նախարարության փրկարար ծառայության Արտաշատի հրշեջ-փրկարարական ջոկատը՝ 1 մարտական հաշվարկով։ Ժամանել են նաև ճանապարհային ոստիկանության 2-րդ սպայական գոմարտակի 1-ին վաշտի 2-րդ դասակի ծառայողները՝ դասակի հրամանատար Կարապետ Հարությունյանի գլխավորությամբ։ Վթարի մասին ՃՈ 1-77 օպերատիվ կառավարման կենտրոնի պատասխանատու հերթապահ Յուրա Հովհաննիսյանը տեղեկությունը փոխանցել է ոստիկանության Արտաշատի բաժին, որտեղից ժամանել է օպերատիվ խումբը՝ քրեական հետախուզության բաժանմունքի օպերլիազոր Երիցյանի գլխավորությամբ։ Տեղում հետաքննչական աշխատանքները ղեկավարել է ՃՈ 2-րդ սպայական գումարտակի 1-ին վաշտի ավագ հետաքննիչ Մարգար Մարգարյանը, ում կողմից փաստի առթիվ նյութեր են նախապատրաստվում։ Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: Լուսանկարները և տեսանյութը՝ Արթուր Վարդանյանի © shamshyan.com https://shamshyan.com/hy/article/2019/05/30/1126078/