Գլխավոր Նորություններ Ուրիշ հերոս չե՞ք ճանաչում. ԱԳ նախարարը՝ պատգամավորին

Ուրիշ հերոս չե՞ք ճանաչում. ԱԳ նախարարը՝ պատգամավորին

54

ՀՀ ԱԺ «Բարգավաճ Հայաստան» խմբակցության անդամ Սերգեյ Բագրատյանը խորհրդարանում 2018թ. պետական բյուջեի կատարման հաշվետվության քննարկման ժամանակ անդրադարձավ արդյունավետ համազգային օրակարգ ձևավորելու միջոցառումներին, դեսպանատների աշխատանքին և Սփյուռքին Հայաստանի կյանքին ներգրավելու հարցում ունեցած դերակատարմանը:

ՀՀ արտաքին գործերի նախարար Զոհրաբ Մնացականյանը նշեց.

«Հարցը ձևակերպված է այնպես, որ օրվա մնացած հատվածում կարող ենք շարունակել հարցի քննարկումը: Ձեր ձևակերպումը շատ ընդհանրացված է և դժվարություն է ստեղծում ավելի թիրախային պատասխանի համար: Շատ ընդհանրացված է՝ այն առումով, որ Դուք ասում եք՝ դեսպանություններն ինչո՞վ պիտի զբաղվեն, դեսպաններն ինչո՞վ են զբաղվում: Պարբերաբար ինձ մոտ պահ է լինում, որ հիշում եմ այն հայտնի սկետչը՝ ուրիշ հերոս չեք ճանաչո՞ւմ»:

Մնացականյանը նշեց՝ բոլոր հարցերով՝ դեսպանություններն ու ԱԳ նախարարություն՝ քրեականից սկսած վերջացրած տնտեսական և մնացած հարցերով, ԱԳՆ-ն և դեսպանություններն իրականացնում են չափազանց կարևոր գործառույթ, որը վերաբերում է յուրաքանչյուր դեսպանությանը, յուրաքանչյուր երկրին, այն է՝ ներկայացնել Հայաստանի Հանրապետությունը տվյալ երկրում: ԱԳ նախարարն ընդգծեց՝ որևէ երկրում մեր դեսպանությունները Հայաստանի Հանրապետությունը ներկայացնում են բոլոր օղակներում, և այդ առումով մեր սփյուռքը եղել և մնում է դեսպանությունների գործառույթների առաջնային հարցերից մեկը: