Գլխավոր Շոուբիզնես Քիմ Քարդաշյանին Ծաղրել Են «Գաղտնիքի» Պատճառով

Քիմ Քարդաշյանին Ծաղրել Են «Գաղտնիքի» Պատճառով

117

Ռեալիթի շոուի ամերիկահայ աստղ Քիմ Քարդաշյանը Ինստագրամի իր էջում վիկտորինա է կազմակերպել։ Նա մի լուսանկար է հրապարակել` ցուցադրելով իր կազմվածքը և խնդրել է գուշակել, թե որն է իր կատարելության գաղտնիքը։

«Կարո՞ղ եք գուշակել, որն է մարմնիս հետևելու իմ գաղտնի զենքը», – գրել է նա։

Նրա բաժանորդներին զվարճացրել էր այս գրառումը, և մեծ մասը պատասխանել է` լավ ֆոտոշոփը։

««Լիպոսակցիան», «փողը», «լավ ներքնազգեստը», «քո դեպքում գաղտնիքը ֆոտոշոփն է», «պլաստիկ վիրահատությունները»»,– նշել են նրանք։

Ծննդաբերությունից հետո Քարդաշյանի կազմվածքը բավականին փոխվել է, և այժմ շատերը չեն հավատում, որ նրա գեղեցկությունը բնական է։ Քարդաշյանը չի թաքցնում ֆոտոխմբագրումների, հատկապես ֆոտոշոփի նկատմամբ ունեցած սերը։ Instagram–ի իր լուսանկարների շտկման վրա մի ամբողջ թիմ է աշխատում։ Նա ինքն էլ արդեն վատ գլուխ չի հանում դրանից և երբեմն վարպետության դասեր է տալիս բաժանորդներին։

Քիմը չորս երեխա ունի։ Կրտսերը` Փսալոմ Ուեսթը, ծնվել է այս տարվա մայիսի 9-ին։ Նրան փոխնակ մայրն է լույս աշխարհ բերել, որովհետև բժիշկները Քիմին արգելել էին հղիանալ։ Առաջնեկը` Նորթը, արդեն 5 տարեկան է, երկրորդ զավակը` Սեյնթը, 3 տարեկան, իսկ երրորդը` Չիկագոն, ընդամենը 1 տարեկան։